 | The source document of this text is not known. Please see this document's talk page for details for verification. "Source" means a location at which other users can find a copy of this work. Ideally this will be a scanned copy of the original that can be uploaded to Wikimedia Commons and proofread. If not, it is preferably a URL; if one is not available, please explain on the talk page. |
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
There's nought but care on ev'ry han',
In every hour that passes, O
What signifies the life o' man,
An' 'twere na for the lasses, O.
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
The warl'y race may riches chase,
An' riches still may fly them, O
An' tho' at last they catch them fast,
Their hearts can ne'er enjoy them, O.
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
But gie me a cannie hour at e'en,
My arms about my dearie, O,
An' warl'y cares an' war'ly men
May a' gae tapsalteerie, O!
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
For you sae douce, ye sneer at this
Ye're nought but senseless asses, O
The wisest man the warl' e'er saw,
He dearly lov'd the lasses, O.
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
Auld Nature swears, the lovely dears
Her noblest work she classes, O
Her prentice han' she try'd on man,
An' then she made the lasses, O.
Green grow the rashes, O
Green grow the rashes, O
The sweetest hours that e'er I spend,
Are spent among the lasses, O
This work was published before January 1, 1927, and is in the public domain worldwide because the author died at least 100 years ago.