I lo'e na a laddie but ane,
⁠he lo'es na a lassie but me;
​He's willin' to mak me his ain,
⁠an' his ain I'm willin' to be.

He coft me a rockly o' blue,
⁠a pair o' mittens of green
An' his price was a kiss of my mou',
⁠an' I paid him the debt yestreen.

My mither's ay makin' a phraze,
⁠that I'm luckie young to be wed!
But lang e'er she counted my days,
⁠o' me she was brought to bed.

Sae mither just settle your tongue,
⁠an' dinna be flyting sae bauld,
For we can do the thing when we're young,
⁠that we canna do weel when we're auld.