< Page:Gospel of Saint John in West-Saxon.djvu
This page needs to be proofread.
v, 47]
Secundum Iohannem
27
39. Smēageað hālige gewritu, for ðām þe gē awēnað þæt gē habbon ēce līf on þām; and hig synt þe gewitnesse cȳþaþ be mē;
40. and gē nellað cuman tō mē þæt gē habbon līf.
41. Ne underfō ic nāne beorhtnesse æt mannum.
42. Ac ic gecnēow ēow, þæt gē nabbaþ Godes lufe on ēow.
43. Ic cōm on mīnes Fæder naman, and gē mē ne underfēngon; gyf ōþer cymþ on his āgenum naman, hyne gē underfōð.
44. Hū mage gē gelȳfan þe ēow betwēonan wuldor underfōð, and ne sēceaþ þæt wuldor þe is fram Gode syluum?
45. Ne wēne gē þæt ic ēow wrēge tō Fæder; sē is þe ēow wrēgð, Moyses on þone gē gehyhtað.
46. Witodlīce gif gē gelȳfdon on Moyse, gē gelȳfdon ēac mē; sōðlīce hē wrāt be mē.
47. Gif gē his stafum ne gelȳfað, hū gelȳfe gē mīnum wordum?
This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.